Наесен е можен мировен состанок со Русија – Зеленски со порака до украинските дипломати

Мировен самит меѓу Русија и Украина би можел да се одржи наесен, доколку разговорите оваа недела се одвиваат според планот.

Украинскиот претседател Володимир Зеленски им рекол на украинските дипломати оти се надева дека претстојната есен може да дојде до состанок со Русија. Разговори, им порачал Зеленски, се планирани во Саудиска Арабија оваа недела и треба да претставуваат отскочна даска кон таа цел.

Зеленски информирал дека на собирот во Саудиска Арабија ќе бидат застапени 40 држави. Сличен состанок беше одржан во Копенхаген во јуни на кој присуствуваа високи претставници на групата Г7, на Европската Унија, на Бразил и на Турција. Покана била испратена и до Кина која не учествувала на состанокот, пишува „Скај њуз“.