Спасувачките екипи во областа Криви Рих се во потрага по пот лица за кои сметаат дека се уште се под урнатините од рускиот ракетен напад рано утрово.
До сега потврдени се информациите за две загинати лица и за над 20 повредени соопшти украинскиот министер за внатрешни работи Игор Клименко.
Според Клименко, руските сили истрелале две ракети кон Криви Рих, кои погодиле образовна институција и станбена зграда.
„Една ракета погоди четирикатна зграда на образовна институција. Најверојатно има луѓе под урнатините. Спасувачите и полицијата работат“, напиша Клименко на својот Телеграм канал.
Тој додаде и дека втората ракета уништила дел од четврти до деветти кат од станбената зграда и дека потоа избувнал пожар.
Украинскиот претседател Володимир Зеленски сподели изјава во која го осудува нападот.
„Овој терор нема да не заплаши или скрши. Ние работиме и го спасуваме нашиот народ“, рече Зеленски.