Повеќето шумски пожари што беснееја во Грција пред две недели веќе се ставени под контрола, но стотици пожарникари остануваат на клучните точки поради заканата од силни ветрови.
Противпожарната служба информираат дека „повеќе нема активен фронт“ во трите најголеми шумски предели на Родос, Крф и централна Грција.
Поттикнати од високите температури, сушата и силните ветрови, пожарите предизвикаа хаос во екот на летната сезона во Грција.
Околу 20.000 туристи и локални жители мораа да бидат евакуирани од хотелите и градовите на островот Родос и стотици други на Крф и други области погодени од огнената стихија.
Во пожарите загинаа најмалку пет лица и изгореа речиси 50.000 хектари шума и вегетација. Двајца пилоти загинаа уривајќи се со своето летало во напорите да го изгасат пожарот кој беснееше на Евија, а три други тела беа пронајдени во близина на индустриската област на централниот пристанишен град Волос.