Пет лица повредени во пукање во супермаркет во Сиетл

Пет луѓе се повредени во пукотница во супермаркет во Сиетл, случај кој градоначалникот Брус Харел го прокоментира дека „премногу оружје е во погрешни раце“. Нема информации дека осомничениот е приведен или дека е во притвор.

Жртви се четворица мажи и една жена, потврди шефот на полицијата Адријан Диаз. Две лица се наоѓаат во критична состојба, две се стабилни, додека петтиот е пуштен на домашно лекување набрзо по инцидентот.

Пукањето се случи за време на настан во организација на Иницијатива за безбедност на заедницата која настојува да направи безбедни градски места за жителите на Сиетл, град кој има висока стапка на криминал.