Нешто подобра е ситуацијата со пожарите на островите Родос, Крф и Евија ова утро. Противпожарните екипи, сепак, остануваат во состојба на приправност во случај да дојде до појава на нов(и) пожари.
Големи противпожарни единици останаа на Родос за локализирање на пожарот на непристапен терен кој, за среќа, не ги загрози куќите.
На Крф и на Евија нема нови распламтувања, наведе противпожарната служба, пренесува „Катимерини“.
Пожарот во околината на Волос, во централна Грција, кој предизвика експлозии во воен магацин е ставен под контола, информира грчката противпожарна служба.