Педесет проценти од такси компаните во Штип и Кочани згаснале. Здруженијата на такси превозници сметаат дека енергетската криза, но и високите цени на деловите за нивните возила, како и недостатокот на возачи се причина за замирање на овој бизнис. Во Штип во моментов има само три такси компании, со околу сто возила за превоз на патници.
Штипјани го чувствуваат овој проблем, бидејќи нема ниту и градски превоз. Такси услуги тешко се добиваат за време на викендите, ноќните часови и пазарните денови. Сопствениците на компанииѕте велат дека не можат да најдат возачи, од причина што поисплатливо е да вози камион низ Европа и САД, а летото голем дел заминаа и сезонска работа во Хрватска.
Од Здружението на такси превозници забележуваат дека наесен очекуваат уште поголем удар, со воведување на градски превоз во Штип, како и најавата за користење на возила со еуро пет стандарди.
Викторија Јованова