Оценската мисија за Судскиот совет се испраќа поради загриженоста на Европската Унија (ЕУ) за да се дојде до ургентни мерки, смета експертката за ЕУ, Малинка Ристeвска Јорданова. Правни експерти од ЕУ ќе подготват извештај, а препораките можат да станат и дел од редовниот извештај за земјава и од прегоорите.
Оценската мисија која ја најави евроамбасадорот Гир во интервју за Телма е порака до институциите дека ова им е последна шанса да преземат нешто, смета Малинка Ристевска Јорданова. Според неа, оценските мисии се користат често во ЕУ за да се дојде до објективна оценка во одредена област, но и кога има итна потреба како во нашиот сучај.
Според очекувањата на Ристевска Јорданова, реномирани експерти од земјите членки на ЕУ ќе бидат дел до оценската мисија и ќе ги скенираат состојбите со судскиот совет. Ќе имаат средби не само со членовите на Судски, туку и со други релевантни субјекти. Ќе поднесат и извештај, а заклучокот, односно препораките може да станат и дел од преговорите.
Колку извештајот на оценската комисија потсетува на извештајот на ексертитската група на Прибе? – Ристевска Јорданова вели ова е едно ниво помека форма на реакција во споредба со Прибе.
Сега сите очекувања се свртени кон Унијата која, по сите случувања во судскиот совет, не остана само на пораки, туку презема конкретни чекори.
Елена Ивановска Мукоска