Жителите на поголемиот јужен руски град Ростов-на-Дон се разбудија од бучавата на воените возила кои од утринава заземаа позиции и ги блокираа улиците, а некои ја искористија можноста да се фотографираат со тенкови.
Тоа доаѓа откако сопственикот на приватната воена компанија „Вагнер“, Евгениј Пригожин повика на вооружен бунт со цел соборување на рускиот министер за одбрана и тврдеше дека тој и неговите војници стигнале во градот откако ја преминале границата од Украина.
Рускиот Национален антитерористички комитет, кој е дел од Федералните служби за безбедност, или ФСБ, го обвини Пригожин за повикување на вооружен бунт, што предвидува казна до 20 години затвор.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.