Светската метеоролошка организација предупредува – Европа се загрева најбрзо во светот

Европа треба да се подготви за уште посмртоносни топлински бранови, како последица на климатските промени, се вели во извештајот на Светската метеоролошка организација.Додаваат дека Стариот континент, кој се загрева најбрзо во светот, само минатата година бил околу 2,3 Целзиусови степени потопол отколку во прединудстриската доба. Сушата, рекорно високите температури и досега незапаметеното топење на глечерите се само некои од последиците од климатските промени споменати во извештајот. На европскиот континент, кој од 80-тите години од минатиот век се загрева дупло побрзо од глобалниот просек, минатата година беше забележано најтоплото лето во историјата, а земјите како Фрнација, Холандија, Италија, Португалија, Шпанија и Обединетот Кралство ја забележаат најтоплата година во историјата. Во извештајот насловен „Состојбата со климата во Европа 2022“ се вели дека температурите на целиот континент во последните 30 години, односно од 1991 д 2021 година пораснале за 1,5 степени Целзиусови. Големите горештини лани предизвикаа 16.000 смртни случаи во Европа, а поплавите и бурите се одговорни за штета од над 2 милијарди долари, а сето тоа е последица на климатските промени.