Борбата со излеаните реки во Србија и проблемите што ги носат поројните дождови не престанува. Пожарникарите и спасувачите се на терен низ цела Србија. Евакуирани се над 70 луѓе, а во 37 градови и општини е прогласена вонредна состојба.
Во Јагодина реката Белица достигна критично ниво. Два градски моста се затворени за сообраќај и затворени со песочни вреќи.
Во Крагуевац поради обилните врнежи од дожд поплавени се подрумските простории на хируршкиот блок на Ургентниот клинички центар, Ѓачки трг, како и неколку улици во населените места Станово, Грошница и Велико поле. Исто така, синоќа, водата стигнала до влезот во воената фабрика Лепеница.
Поради обилни врнежи утрово непроодни се неколку патни правци во Краљево, каде е урнат и мостот. До Краљево се стигнува преку обиколниот општински пат преку селата Милоча и Сирча.
Градоначалникот на Краљево и шеф на Штабот за вонредни ситуации на тој град, Предраг Терзиќ, најави дека денеска ќе биде прогласена вонредна состојба на целата територија на градот.
🙏Nedao Bog nikome, Koceljeva pod vodom.. 👇👇👇😳 pic.twitter.com/E6G5cTiUxQ
— BABY 001 (@SIMONA546352574) June 15, 2023