Денеска се одбележува првата годишнина од стратешкиот дијалог меѓу Македонија и САД и по тој повод шефот на дипломатијата Бујар Османи и амбасадорката на САД, Анџела Агелер испратија честики во нивното заедничко видео обраќање.
За Османи дијалогот е значајна пресвртница во севкупните билатерални односи и логичен чекор напред по безмалку 30 години од воспоставувањето на дипломатските односи за кои смета дека стануваат се подлабоки и се поцрвсти.
Амбасадорката Агелер пак ја истакна важноста на стратешкиот дијалог и посочи дека патот на Македонија до овој клучен момент не бил лесен но и дека претстојат тешки одлуки. Агелер потенцираше дека САД, секогаш биле и ќе бидат постојан поддржувач и најголем пријател на Македонија.