Мицкоски нема да оди на средба со Ковачевски за да разговара за уставните измени, туку за тоа што ќе се случува потоа. Повтори дека, уставните измени ќе завршат лошо, затоа што власта нема да успее да обезбеди двотретинско мнозинство и тогаш мора да се има план.
На прашањето, дали во таков случај би коалицирал со ДУИ, Мицкоски одговори дека е време интегративците да заминат во опозиција. Го повтори ставот дека „СДСМ е во брутално заложништво на ДУИ, кои ја имаат киднапирано оваа партија, поточно неколкумина од раководството.Нивната „целосна сервилност„ кон ДУИ, за него е феномен и нов пример на македонската политичка сцена.
Социјалдемократите, пак, него го обвинуваат дека е во заложништво на Левица.
Премиерот го покани Мицкоски на средба преку медиумите, а тој на истиот начин ја прифати. Официјален договор за место, време и потенцијални теми з аразговор, сѐ уште нема.
Далиборка Демјанска Цветановска