Комисијата за европски прашања ја заврши работата и ги поддржа сите пет закони од пакетот – поддршка за изградба на коридорите 8 и 10д.
Во Законот за утврдување јавен интерес и стратешки партнер, опозицијата изрази сомневање дека може да се прават бројни злоупотреби со ослободувањето на приватна компанија од царина, акцизи и ДДВ при увозот на возила и енергенси.
Министерот Фатмир Бесими вели дека тоа е востановен принцип.
Тврди дека никој нема да биде ослободен од придонеси или од данок на личен доход и на добивка, но ќе има ослободување од таканаречените индиректни даноци.
На пленарна седница се разгледува четвртиот закон – за експропријација.
За опозицијата, сомнително е што ќе важи за неизвесен број легални и нелегални објекти на недефинирана траса на коридорите.
Власта уверува дека ќе има исплата според даночното решение за имот.
Сите пет закони се по предлог на Владата по скратена постапка и со европско знаменце. Ќе бидат гласани по исцрпувањето на расправата за целиот пакет.
Соња Николовска