Триесет и деветгодишен скопјанец загина во сообраќајка на експресниот пат Штип-Кочани, а жената и двете малолетни деца поради здобиените повреди се пренесени во штипската Клиничка болница, на оделот за хирургија.
Пријавата во СВР-Штип е во 02:24 часот, изјави Гордана Панајотова, портпарол на СВР-Штип.
Несреќата се случила во близина на клучката кај селото Крупиште, а според првичните информации, автомобил марка рено „лагуна“ со скопски регистерски таблички излетало од коловозот, а од здобиените повреди починал сопатникот И.М од Скопје.
Увидот во несреќата е во тек. Сообраќајот на експресниот пат Штип-Кочани се одвива по двете коловозни ленти.
На овој експресен пат од почетокот на годината досега во три тешки сообраќајки, животите ги загубија пет лица.