Разрешената директорка на градинката „Детска радост“ во Гази Баба, Анета Петровска, целосно ги демантира сите наводи дека работела незаконски и коруптивно и тврди дека доказите се на нејзината страна. Не нарачувала храна и не купувала мебел за потребите на менаџментот, а на име на градинката и не користела службеното возило за приватни цели.
Вели дека сѐ што е купено, е според планот за јавни набавки. Ова доаѓа, откако градоначалникот на Гази Баба, Бобан Стефковски, ја обвини за криминал и ја разреши, пред Министерството за труд и социјална работа да му ги одземе ингеренциите и да ја поништи неговата одлука. Разрешувањето од негова страна е базирано на ревизорски извештај, кој според одбраната на разрешената директорка, не е спроведен соодветно од страна на приватна ревизорска куќа.