Денеска во Кривичен суд е закажано ново рочиште на кое се очекува пресуда за случајот „Тендери“ во кој првообвинета е поранешната министерка за култура, Елизабета Канческа Милевска. Рочиште е закажано и за случајот „Софтвери“ во кој осомничен е поранешниот ген-сек на владата, Драги Рашковски.
Обвинителството за борба против организиран криминал и корупција во октмоври 2021 година поднесе обвинение против Рашковски и против други шест лица поради злоупотреба на службената положба и овластување и перење пари.
За денеска рочиште е закажано и за случајот со клиниката „Жан Митрев“. Одбраната претходно се жалеше дека и се дава премалку време за да може да ги разгледа доказите. Според нив станува збор за 10.000 страници кои треба да ги разгледаат за 10 дена, а право на нивно разгледување имаат само по четири часа во денот.
Според информации на Телма, за денеска пред судот се најавени и протести на роднините на оштетените. Тие беа присутни и на претходното рочиште, но се очекува пред Кривичен да бидат присутни и дел од вработените во клиниката со цел да му дадат поддршка на доктор Митрев. Рочиштето е закажано за 10 часот.