Внесување на бугарската заедница во Уставот на Мaкедонија e најважен, но не и единствениот критериум со кој се констатира исполнувањето на предусловите за втората меѓувладина конференција од пристапните преговори за членство во ЕУ се вели во анализата на Институтот за демократија.
Во анализата се наведува дека останува нејасно каков е и дали воопшто има системски пристап кон останатите прашања од Протоколот со Бугарија и како Македонија ќе одговори и ќе ги спроведе.
Од Институт за демократија притоа ги посочуваат преземените обврски околу говорот на омраза при што наведуваат дека нема прецизна листа на институции и агенции на кои се однесува превенирање од недобронамерна пропаганда, но и начинот на обесхрабување на активностите на приватните субјетки, при што не е јасно и кои се тиа приватни субјекти, пред се што тие не влегуваат во опсегот на државното финансирање.
Дополнително поради не постоење на дефиниција за говор на омраза, таа област е оставена на широк опсег на толкување и препораката на Институтот за демократија е домашните институции во соработка со европската Агенција за основни права да се создаде сеопфатен механизам кој функционално би одговорил на ова прашање.
Анализата утврдила дека според Протоколот нејасно е и дали заклучоците на историската комисија по автоматизам се прифаќаат од владите во двете земји и се имплементираат или владите тоа можат да го направат делумно.