Амбасадата на Република Србија во Скопје поради трагедијата која се случи во соседна Србија и во главниот град на земјава денеска отвори книга на жалост во која граѓаните ќе може да изразат сочуство за прерано згаснатите млади животи во Врачар.
Книгата ќе биде отворена и наредните два дена во периодот од 09 до 19 часот. Во книгата на жалост свои пораки ќе можат да остават и македонските граѓани.
Во соседна Србија е прогласена тридневна жалост поради несреќата во ООУ „Владислав Рибникар“ во Белград каде седмооделенец усмрти седум свои соученици и домарот на училиштето, трагедија што ја шокираше нацијата, но и светот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.