Портпаролката на руското МНР Мариjа Захарова објавува детали од обидот за ликвидација на шефот на македонската дипломатија и актуелен претседавач со ОБСЕ, Бујар Османи за време на неговата посета во Молдавија.
На почетокот на март бил откриен заговор против раководството на Придњестровје и лицето Вјачеслав Кисничан кој требало да го изврши нападот. Тој бил во контакт со граѓани на Украина и агенти на специјалните служби, кои му дале автомобил со експлозив.
Но, како што пишува Захарова, заговорот бил откриен и Кисничан бил приведен.
На 14-ти февруари се подготвувал уште еден терористички напад – овој пат против Претседавачот на ОБСЕ, Министерот за надворешни работи на Северна Македонија, Бујар Османи и шефот на Мисијата на ОБСЕ во Молдавија, американската државјанка Кели Кејдерлинг.
Кисничан сфатил дека не може да ја разнесе поворката на ОБСЕ без да се повреди и се откажал од првичниот план, тврди Захарова.
Сето тоа го признал на распит, објавува портпаролката на руското МНР и прашува: до кога за ова ќе молчат Белата куќа и Стејт департментот.