Литургија во спомен на бугарските војници загинати во, како што се вели, „битките за национално обединување“ќе се одржи пред споменикот во Ново Село, во Македонија, на Ѓурѓовден, 6-ти мај, објави денеска бугарскиот портал news.bg.
Ова ќе биде прв пат заедничка литургија да одржат свештени лица од бугарската и македонската православна црква во Македонија, тврди порталот.
Според порталот, на литургијата ќе присуствуваат и претставници на националната гарда, официјални лица и граѓани од двете страни на границата.
News.bg тврди дека домаќини на настанот ќе бидат Милен Врабевски и фондацијата „Бугарска меморија“ а ќе биде поддржан и од дипломатското претставништво на официјална Софија во Македонија и Бугарското министерство за надворешни работи.
„Спомен-обележјето во Ново Село беше обновен во 2006 година. Таму се погребани 71 бугарски војник кои ги дадоа своите животи во битките за национално обединување“ – пишува news.bg
Прва заедничка богослужба на бугарските и македонските митрополити