Собранието да ги повика членовите на Судскиот совет, особено оние што ги бира, да ги објаснат постапките од завчерашната тензична седница, а може да побара и политички оставки, предлага Миша Поповиќ од Институот за демократија.
Според него, Собранието е гранка на власта која има издржан политички легитмитет да бара одгоорност од другите гранки на власт бидејки ги конституира на еден или друг начин и тоа не треба да се смета за некакво мешање.
Ниту јас како претседател на Влада, ниту кој било министер, не се меша во работата на Судскиот совет или на Советот на обвинители. Правосудните органи треба да бидат на ниво на кое ќе си ја извршуваат својата работа и нема да имаат никакво политичко влијание. Ако некој им се мешал во работата, тоа ќе треба самите да го пријават низ соодветна процедура, изјави денеска премиерот Димитар Ковачевски прашан за разрешувањето на претседателката на Судскиот совет Весна Дамева, по увидот на градежните активности на патот Ранковце- Крива Паланка.