Косовската претседателка Вјоса Османи, која е во официјална посета на Македонија, денеска е во Тетово. Во нејзина чест во градот осамнаа билборди со нејзиниот лик и наслов „Добредојде претседателке“ напишано само на албански јазик.
На билбордот го има грбот на Општина Тетово, но нема информации дали општината е нарачател на објавата. Она што се забележува е што на билбордот воопшто не се споменува во која држава е гостинка косовската претседателка.
Како реакција на билбордот за Османи вчера во Тетово се појавија транспаренти „Тетово е Македонија “. Ваквите транспаренти беа поставено од ВМРО-ДПМНЕ, но денеска тие се отстранети, а билбордот остана.
Османи, која вчера беше пречекана со највисоки државни почести, е во официјална посета на Македонија. Таа вчера се сретна со државниот врв, а имаше средби и со раководството на ДУИ. Во моментов таа оствари средба со градоначалникот Касами по која двајцата се очекува да имаат заедничка изјава.