Русија спроведува програма на шпионирање во водите на северна Европа каде, како што се сомнева, повеќе десетици воени и цивилни бродови ги маркираат можните места за саботажи, се тврди во документарен филм чии делови вчера емитуваа водечките нордиски телевизии.
Ваквите обвинувања Кремељ веднаш ги отфрли наведувајќи дека обвиненијата се неосновани и повика на транспарентна и непристрасна меѓународна истрага на саботажата на гасоводот Северен тек во Балтичко Море во септември минатата година.
Според заедничката истрага на неколку телевизии од Норвешка, Данска, Шведска и од Финска, кои се повикуваат на извори од разузнавачките служби на нордиските земји, Москва за шпионирањето го користи бродот „Адмирал Владимирски“, кој официјално е научно пловило но и рибарски бродови, глисери па дури и јахти.