Физичка пресметка меѓу полицајци од Житоше пред угостителски објект во Кривогаштани за чие поведение на првиот ден на Велигден е поведена постапка. Инцидентот се случил во неделата, околу 4:45 часот наутро.
Полициска тепачка во Кривогаштани за Велигден pic.twitter.com/gSwoNpMM5z
— B!Zarre (@B_Zarre) April 18, 2023
Од СВР Битола информираат оти станува збор за А.Ј. (41) и К.А. (45), двајца полицајци од село Житоше. Причина за расправијата меѓу двајцата полицајци, кои беа во службени униформи, не е позната.
„Се преземаат мерки за расветлување на случајот. Известено е Одделението за внатрешна контрола, кривични истраги и професионални стандарди и ќе биде почната постапка за утврдување на дисциплинска одговорност и оддалечување од работното место до носење на одлуката во дисциплинската постапка“, информираат од СВР Битола.
На снимката на социјалните мрежи се гледа како двајца полицајци се тепаат, додека нивни колега се обидува да ги раздвои. Еден од нив вика на глас и се фаќа за пиштолот, а вториот го пцуе и потоа заминува. Потоа еден од нив влегува во автомобил од марката „голф“.