По серијата напади кон родовата рамноправност, особено по скандалозното велигденско послание на владика на МПЦ за женските права, македонските авторки, писателки и поетеси со едногласна забелешка за важноста на таа тема во македонското општество.
Деновиве особено сме свесни зошто е важна темата за родовата нарација и родовата еднаквост во општеството, за женската слобода, за неопходниот простор за креација, за рушењето на културолошките предрасуди, забележааа учесниците на трибината на тема „Родова нарација во британската книжевност и култура“.
Фокусот на трибината која денеска се одржа е ставен врз култните британски авторки меѓу кои Вирџинија Вулф, Џејн Остин, Мери Шели, чие дело е своевидна борба за женските права во минатото во нивната татковина.
-Денеска фокусот е и „до каде сме со еднаквоста во општеството“, што значи и на кои социолошки и културни пунктови се појавува родовата неправда, истакна Ана Јовковска, авторка на проектот „Книжевни рефлексии – платформа за креативен дијалог и критичко размислување“.
Проектот и трибината се во организација на Институтот за македонска литература и Британската амбасада.