Генералштабот на украинската армија соопшти дека воздухопловните сили вчера извршиле 11 напади врз места каде се концентрирани руски војници и опрема и три напади врз позиции на руски противвоздушни ракетни системи. Притоа се наведува дека е соборен и руски борбен авион од типот Су-25.
Во меѓувреме, гувернерот на областа Миколаев, Виталиј Ким изјави дека во синоќешниот руски напад загинале двајца тинејџери. Руската армија употребила ракети земја – воздух С-300, при што се оштетени и училиште, приватна фирма и станбен објект.
Додека гувернерот на Запорожје, Јуриј Малашко изјави дека Русија синоќа почна масовен напад во областа.
Руските сили го нападнаа регионот Запорожје во текот на ноќта на 16 април, на православен, изјави Малашко, додавајќи оти при нападот се оштетени локална црква и зградите околу сакралниот објект.