Целата руска Пацифичка флота е ставена во состојба на готовност за вонредни вежби кои ќе вклучат ракетни лансирања во масовна демонстрација на сила во услови на тензии со Западот поради борбите во Украина.
Министерот за одбрана Сергеј Шојгу рече дека целта на воените вежби е да се тестира способноста на руските вооружени сили да одговорат на евентуална агресијата.
Руската војска го концентрираше најголемиот дел од своите сили на линиите на фронтот во Украина, но исто така продолжи да спроведува редовни вежби низ Русија за да ги обучи своите сили и да ја покаже својата подготвеност.
Шојгу рече дека сценариото за денешните маневри предвидува одговор на обидот на противникот да слета на островот Сахалин и на јужните Курилски Острови.
Јапонија бара територијални права на Курилските острови, кои ги нарекува Северни територии.
Советскиот Сојуз ги зеде во последните денови од Втората светска војна, а спорот ги спречи земјите да потпишат мировен договор со кој формално завршуваат нивните непријателства.
Минатата година Русија објави дека ги прекинала мировните преговори со Јапонија во знак на протест против санкциите на Токио против Москва поради нејзината акција во Украина.
Русија го зајакна своето воено присуство на островите во последниве години, распоредувајќи таму напредни борбени авиони, противбродски ракети и системи за противвоздушна одбрана.
Вежбите на Пацифичката флота започнаа неколку дена пред планираното патување во Москва на кинескиот министер за одбрана, генералот Ли Шангфу.
Тридневната посета на Москва на кинескиот претседател Си Џинпинг минатиот месец го покажа партнерството на двете земји во напорите на Западот да ја изолира Русија поради Украина.
И Москва и Пекинг го обвинија Вашингтон дека се обидува да ги изолира и да го спречи нивниот развој бидејќи ги предизвикуваат САД за регионално и глобално лидерство.
Путин и Си рекоа дека ќе ги зголемат контактите меѓу нивните војски и ќе организираат повеќе заеднички морски и воздушни патроли и вежби, но нема навестување дека Кина ќе и помогне на Русија со оружје, како што стравуваа САД и другите западни сојузници.
