Најмалку едно лице загина, а неколку други се повредени откако вооружен маж отвори оган во Вашингтон на погреб на 24-годишен маж, кој и самиот бил убиен во престрелка минатиот месец.
Пукањето се случило веднаш по богослужбата за 24-годишниот Стефон Ламонт Керол. Додека ожалостените ја напуштале погребалната куќа, околу 12:30 часот по локално време, напаѓачот отворил оган по што се дал во бегство, а полицијата трага по него.
Полициските органи велат засега останува нејасно што го мотивирало пукањето врз толпата. Семејството претходно побарало присуство на полиција на погребот, бидејќи истакнале дека се плашат и очекуваат вооружен инцидентот.