Хрватска е најгласниот поддржувач на Македонија на европскиот пат. Меѓу двете земји продолжува добрата соработка рече премиерот Ковачевски кој денеска со највисоки државни и воени почести го пречека хрвасткиот премиер Андреј Пленковиќ.
На заедничката прес конференција премиерот Ковачевски нагласи дека нашите граѓани ги унапредуваат своите права во Хрватска, а трговската размена расте со можност да се удвои во наредните две години. Подобрување има и во соработката во енергетскиот сектор… Двајцата премиери најавија и дека од мај ќе се отвора и директна авионска линија на релација Скопје – Сплит – Скопје. Одново ги повика политичките партии во земјава да ги поддржат уставните измени.
Пленковиќ рече дека на Македонија и претсојат последните чекори на патот кон ЕУ, и потребно е да се забрза тој процес. На помош од Хрватска за таа цел доаѓа и Владимир Дробњак кој беше главен преговарач за влезот на Хрватска во ЕУ, а сега ќе му помогне на министерот за надворешни Османи и на целата македонска влада.