Финска стана 31-та членка на НАТО, со што двојно се зголеми и должината на границата на земјите членки на Алијансата со Русија.
Финскиот министер за надворешни работи му го предаде документот за пристапување во НАТО на американскиот државен секретар, кој ја прогласи за полноправна членка на Алијансата.
Пото пред седиштето на НАТО, сино-белото знаме на Финска го зазеде своето место меѓу останатите 30 знамиња на државите членки на Северно-атлантската алијанса.
Членството на Финска во НАТО е нов дипломатски пораз на Русија и претседателот Владимир Путин.
Тој постојано ја потенцираше експанзијата на НАТО кон истокот како една од главните забелешки на руската држави, пред инвазијата на Украина.
Државниот секретар на САД, Ентони Блинкен, изјави дека со нападот на својот сосед, рускиот лидер го предизвикал токму тоа што се обидувал да го спречи.
Портпаролот на официјален Кремљ, Дмитри Песков, предупреди дека Русија одблиску ќе ги следи случувањата во Финска, опишувајќи го проширувањето на НАТО како „нарушување на безбедноста и националните интереси“ на Русија.