Најголемата опозициска партија ги повика партиите од мнозинството при прмената на Уставот во целост да се примени хрватскиот модел.
Оваа држава, Република Хрватска, е земја членка на ЕУ па оттука и промената на уставот по т.н хрватски модел за ВМРО-ДПМНЕ е сериозно применлив и прифатлив. Со тоа, Македонија ќе го промени мултиетничкот карактер во унитарен и аналогно на тоа Македонија ќе е држава на македонскиот народ и држава во која припаѓаат националните малцинствата, кои живеат тука, изјави портпаролката на партијата марија митева.
Според неа, ако се примени хрватскиот модел, преамбулата на нашиот Устав би изгледала вака:
„Република Македонија се воспоставува како национална држава на македонскиот народ и држава на припадниците на националните малцинства: Албанци, Турци, Роми, Власи, Бошњаци и др., кои се нејзини државјани, на кои им се гарантираат исти права со тие на македонскиот народ и остварување на националните права, во согласност со демократските норми на Организацијата на Обединети Нации“
Со тоа, сегашната преамбула ќе претпри значителна промена од причина што актуелната преамбула гласи: “Граѓаните на Република Македонија, Македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите”
ВМРО-ДПМНЕ тврди дека е подготвена да разговара со сите националности за овој модел, и како политичка партија е подготвена веднаш да го поддржи.