Вработен во општинската администрација неколкупати упатувал закани по живот кон штипскиот градоначалник. Вербалните закани биле од типот „Ќе видиш, кој сум јас“, а синоќа градоначалникот, Јорданов службеното возило го затекнал со издишани гуми, сите четири гуми биле исечени. Тој пред новинарите не сакаше да открива детали, со цел да не попречи на истрагата.
СВР-Штип во писменото соопштение потврдува за иницидентите, а во него се вели дека синоќа во 22.45 Јорданов го пријавил вработениот во Општина Штип во полициска станица од кој неколку месеци наназад добивал закани, а околу 19.40 гумите на службеното возило биле исечени од страна на Ј.М. Овој вработен е познат на штипската јавност, пред неколку години на друг градоначалник му се има заканувано, а согласно Кривичниот законик за кривично дело загрозување на безбедност предвидена е затворска казна од три месеци до три години.
Викторија Јованова