Неколку македонски Агенции работат на привлекување на странски работници. Eдна од нив веќе нуди работници од Непал во текстилниот сектор. Ваква понуда добил и менаџерот на светиниколска „Мода“ и претседател на собрание на Организација на работодавачи, Ангел Димитров.
Димитров посочува дека либерализацијата на увоз на странски работници треба да почне, а работниците кои се подготвени да дојдат тука, треба да им се обезбеди сместување и за овие работници нормално е дека ќе важат истите права од работни односи, какошто се и за домашните работници. А ова веќе се случува во Хрватска и Бугарија, каде што има и работници од Виетнам, а компаниите веќе градат и интернати, згради за сместување на работниците.
Димитров во интервјуто за МИА забележува и дека ако не се либерализира пазарот на трудот и со селењето на младите, економијата пополека ќе пропаѓа, а буџетот ќе остане без пари.