Американски дрон е пронајден во близина на Севастопол на длабочина од околу 900 метри, објави „ФорПост“, повикувајќи се на извор близок на Министерството за одрбана кој е запознат со деталите на операцијата.
„Подводен робот се спушти на дното на морето и пронајде МК-9 на длабочина од 850 и 900 метри. Недалеку од таа зона се наоѓа крак на гасоводот „Јужен тек“, пренесе „ФорПост“.
Како што наведува изворот, руски воен брод во моментов дежура на површина во зоната во која се урна американското летало. Се додава дека руски стручњаци размислуваат за натамошни акции за извлекување на американскиот дрон од морското дно.
Каналот Борис Рожин, стручњак на Центарот за воено-политичко новинарство, исто така, јавува дека над местото каде е пронајден дрон, дежура брод на Црноморската флота, со цел никој да не пријде во близина.
„Со оглед на големата длабочина на која се наоѓа американскиот дрон, моментно се размислува како и со што да биде извлечен на површина“, објави „ФорПост“.
„Во Црноморската флота кој е способен за таков потфат, тоа е легендарната „Комуна“ која е изградена во 1913 година“, порача Рожин, пренесува „РТ Балкан“.
„Комуна повеќепати е обновувана и има големо искуство со подводни работи. Во минатото подигна неколку подморници, урнати авиони и потопени бродови, но има и возила кои се способни да работат на длабочина до еден километар.