Во Полска, група странски државјани се уапсени под сомнение дека се во шпионска мисија за Русија.
Вкупно шестмина се уапсени во наводната шпионска мрежа, осомничени дека тајно поставиле камери за снимање на инфраструктурата што се користи за испорака на помош во Украина.
Шпионската ќелија наводно веќе имала спремни планови за саботажа.
Полска е еден од најсилните сојузници на Украина и во земјата од почетокот на инвазијата во февруари лани беа уапсени неколкумина осомничени руски шпиони.
Во последниот случај, според властите, групата поставила десетици камери до железничките јазли и на важните сообраќајни правци во полската провинција Подкарпатие, која граничи со Украина.
Дел од камерите се пронајдени во близина на мал регионален аеродром кој е претворен во меѓународен логистички центар за испорака на воена и хуманитарна помош за Украина.