Најмалку десет луѓе загинаа во поплавите предизвикани од поројни дождови во покраините Шанлиурфи и Адијаман на југоистокот на Турција.
Оваа покраина минатиот месец ја погоди катастрофален земјотрес во кој настрадаа 48.000 луѓе, а милиони се раселени.
Според видеата на социјалните мрежи поплавата со себе носи автомобили, руши згради, автопати, претвора улици во реки.
Надлежните служби се на терен и му помагаат на загрозеното население.
Противпожарните единици од подрумот на еден поплавен објект извлекле тела на пет лица, за кои е утврдено дека се сириски државјани.