Циклонот Фреди, една од најсилните бури што некогаш се регистрирани на јужната хемисфера, однесе најмалку 190 човечки животи во Малави. Големите поплави и обилните дождови ги оштетија патиштата и мостовите, отежнувајќи ги спасувачките операции.
Одделот за управување со катастрофи соопшти дека 584 лица се повредени, а 37 сè уште се водат како исчезнати. Ситуацијата дополнително се усложнува поради лизгање на земјиштето предизвикано од големите количини на вода од обилните дождови кои ја зафатија таа африканска земја, па повеќе од 22.000 луѓе побараа засолниште далеку од нивните домови.
Спасувачките тимови се соочуваат со големи проблеми на терен, претставниците на спасувачките тимови информираат дела луѓето буквално се заглавени во базени од кал.