Дванаесетгодишно дете од село Лера донесено мртво во Клиничката болница во Битола- случајот е пријавен во полиција

Дванаесетгодишно дете од битолското село Лера во неделата околу 21 часот, од страна на неговите родители, било донесено мртво во Клиничката болница во Битола.

Безуспешни биле сите обиди на лекарите за реанимација на момчето.

Настанот е пријавен во полиција, а иако немало видливи траги на насилство, побарана е обдукција од страна на Јавен обвинител.

Од битолската болница не сакаат да го коментираат случајот, за кој велат дека сега е во надлежност на обвинителството, но, потврдуваат дека се уште нема резултааи од обдукцијата на 12 годишното момче.

Емилија Мисирлиевска