Неколку минути по полноќ, на булеварот Христијан Тодоровски „Карпош“ се одиграла крими сцена како од филм.
Автомобил марка „БМВ“ и возило „Цитроен“ му го попречиле движењето на реното кое доаѓало од правец на Чаир.
Трите лице меѓу кои и полицаец биле извлечени од возилото и крвнички тепани. Полицаецот, кој не бил службено, го извадил пиштолот и испукал во воздух.
Тој ќе одговара пред внатрешната контрола, останатите двајца закрепнуваат од ќотекот на клинички, две лица се приведени, три избегале а полицијата распрашува и прегледува снимки за да ги открие мотивите за овој инцидент.
Прашан, Спасовски вели дека е тешко да се поврзат пукањето во „Шиша“ бар и овие ноќни пресметки.
Но, дека криминалното подземје се бранува по двојното убиство на Кривањева и Исени е јасно бидејќи на полицијата и обвинителството заклучиле дека поводот за пукањето е нарко- пресметка.
Полицијата работи на расветлување на случајот, но истрагата мора да се крие, порача Спасовски кој потврди дека се трага по петмината убијци.
Во телата на Кривањева и Исени завршиле 40-50 куршуми, покажал обдукциониот наод.
Обвинителите собрале изјави и од сведоците во просторијата од кобната вечер кои го преживеале нападот.
Се прегледуваат и видео снимките од „Безбеден град“, но сеуште нема приведени, а ниту трага од петммината кои влетаа во „Шиша“ бар и пукаа во нивните мети.
Павле Беловски