Контроверзите за фирмите-подизведувачи во тендерот за градежен надзор вреден 22 милиони евра не престануваат, но владата и натаму опстојува дека одлуката е исправна бидејќи е дел од најголемиот инфраструктурен проект во Македонија.
Во КОД вечерва зборуваат новинарите кои со своите истражувања открија дека фирма со противзаконско делување и сопственик на друга фирма со кривична пријава за финансиска злоупотреба се избрани да вршат надзор врз проект од милијарда и 300 милиони евра.
Во КОД вечерва и за пасивното однесување на обвинителството кое чека некој да им пријави сомнежи кои веќе се објавени. За случајот со Бранислав Димитријевиќ и неговото бегство од Ерменија веќе имало пријави во обвинителството но досега нема никаква акција оттаму.