Десетти ден по ред системот на Фондот за здравство е во „аут“. Останува отворено прашањето дали станува збор за хакерски напад или крах на системот. Актуелното раководсто на институцијата сè уште без конкретни одговори, а, пак, дел од поранешните луѓе на фондот го отвораат прашањето дали системот воопшто бил одржуван до сега.
Граѓаните стравуваат за личните податоци, откако изминатиот период дел од познавачите на сајбер процесите предупредуваа дека е можно дел од нив да се преземени и да бидат злоупотребени. Додека се чека одново да профункционира системот на фондот, лекарите се без плата, но и пристап до информациите за пациентите кои им се неопходни за лекување. Се жалат дека се вратиле чекор назат и се работи рачно на хартија.