Во изминативе периоди слушавме и од министерот Бесими, и од вицепремиерот Битиќи, па и премиерот Ковачевски дека колективните договори биле невозможни, затоа што тие биле надвор од системот, рече претседателот на УПОЗ Трпе Деаноски во вечерашното издание на Топ Тема на Телма.
Од кој систем на плати ние разговараме? Јавниот сектор, не е хомоген, тој е хетероген. Не може еден вработен да го изедначуваме со друг вработен. Ако зборуваме за тоа, значи самиот министер за финансии излезе од системот кога ги предвиде 30 проценти покачивање на плата за неговите вработени, па потоа се повлече. И тоа не беше во рамки на системот, но кога тоа го прави Фатмир Бесими е во ред, а кога некој друг оди по Устав, и предвидува да испалти покачување на плата во рамки на обезбеден буџет, тогаш ако минситерот за финансии може да се меша кај кабинетот на претседателот на државата, тогаш што останува за другите, смета Деаноски.