Лажни пораки испратени во име на МВР кружат меѓу граѓаните. До сега во МВР пријавени поголем број вакви случаи.
Од министерството информираат дека станува збор за измама која се спроведува во меѓународни рамки.
Според информациите на МВР во содржината која била испраќана до граѓаните стоел повик во кој се вели дека примачот на пораката треба да се појави на суд за наводна негова инволвираност во правни постапки и измислени кривични дела.
Притоа примачот на пораката се повикува да го контактира испраќачот преку вибер линк.
Од МВР велат дека овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба.
Предупредуваат граѓаните да не ги отвараат ваквите линкови и датотеки. Вакви електронски пораки со слична содржина претходно биле испраќани и на граѓани од земјите од регионот, велат од ресорното министерство.