Директорот на ЦИА, Вилијам Брнс изјави дека разузнувачките проценки на агенција се оти наредните шест месеци ќе бидат „критични“ за Украина во однос на руската инвазија, додавајќи дека Русите остваруваат некои помали придобивки во последните недели.
Говорејќи на настан за надворешна политика на Универзитетот Џорџтаун во Вашингтон, Брнс, исто така, рече дека агенцијата верува дека кинескиот претседател Си Џинпинг е „донекаде отрезнет“ од војната во Украина, но дека би било грешка да се потцени посветеноста на Пекинг и Москва на нивното заедничко партнерство.
Русија и Кина потпишаа „неограничено“ партнерство минатиот февруари, непосредно пред руските сили да ја нападнат Украина, а нивните економски врски се зајакнаа додека врските на Русија со Западот ослабеа.
Кина се воздржува од осуда на руската инвазија врз Украина, но внимава да не ѝ обезбеди директна материјална поддршка на Русија, што би можело да предизвика западни санкции како оние воведени против Москва.
Брнс додаде дека пријателството меѓу Русија и Кина не е целосно безгранично.
„Мислам дека е погрешно да се потценува взаемната посветеност на тоа партнерство, но тоа не е целосно пријателство без граници“, рече Барнс.
Руската инвазија ја поттикна загриженоста на Западот дека Кина може да направи сличен потег во Тајван, остров за кој Пекинг тврди дека е негова територија.