Русија го усовршува својот план за голема нова офанзива врз Украина, тврди официјален Киев. Предупредува дека оваа голема офанзива може да се случи на 24 февруари, точно на годишнината од почетокот на војната.
Според министерот Олексеј Резников, Москва собрала 500-тини илјади војници можниот напад. Во септември, рускиот претседател Путин мобилизираше 300 илјади резервисти, за кои тврдеше дека се потребни за да го осигураат територијалниот интегритет, но министерот Резников вели дека оваа бројка на мобилизирани војници е далеку поголема. Украина неодамна ги обнови повиците за борбени авиони за да се заштитат од воздушни напади, откако Германија, САД и Велика Британија се согласија да им испратат тенкови.
На борбениот фронт, силите на Кремљ ги протеруваат жителите во близина на деловите на линијата на фронтот што се под контрола на Русија, за да не можат да дадат информации за распоредувањето на руските трупи до украинските артилериски сили. И Институтот за проучување на војната смета дека „неизбежната руска офанзива во наредните месеци е најверојатниот начин на дејствување“.