Најавуваше, се обиде, но советот и кажа „не“ на градоначалничката Данела Арсовска. Скопјани нема да добијат еко- автобуси. Предлогот за набавка заглави во градското собрание и остана идеја на хартија. Нема да се потрошат и 10 милиони евра за набавка на овие еколошки возила.
Арсовска, во жолчна дебата, ги убедуваше советниците дека ќе подигне кредит, но не објасни колку автобуси и од која фирма ќе купи со тие пари. Планот на Данела, падна во градското собрание со 18 воздржани, наспроти 15 „за“.
И додека Владата ја чека УЈП за да седне на маса и да преговара со град Скопје и приватните превозници, за Арсовска под уцени и закани не разговара.
Арсовска во изборната кампања вети набавка на 250 еколошки автобуси и бесплатен автобуски превоз за сите граѓани.
Симона Петровска