Претседателот на СДСМ Димитар Ковачевски вечерва на Бихаќка ги свикува коалициските партнери да разговараат за преговорите со Алијанса за Албанците. Сакал да го слушне нивното мислење за проширување на владината коалиција. Алијанса за Албанците викендов одлучија да ги почнат преговорите, ќе формираат комисија која во наредниот период ке разговара за евентуален влез во владата.
Во калкулациите со бројот на пратениците, Алијанса за Албанците деновиве се избори за централно место. Без конкретна понуда од премиерот Ковачевски, но со секојдневни контакти со Владата.
Поранешниот коалициски партнер на Алијанса, Алтернатива, не поддржува зголемување на владеачката коалиција. Најавите за придружување на Алијанса ги толкува како обид за спасување на ДУИ.