Утринава според информациите достапни на ТАВ Македонија, речиси целосно е нормализиран авио сообраќајот на Меѓународниот аеродром Скопје. Пријавено беше доцнење само на еден лет кој доаѓаше од Истанбул.
Синоќа пак поради густата магла неколку летови беа пренасочени и слетаа кон Приштина. Лошите временски прилики беа причина два дена со ред аеродромот во Скопје да ги откажува, пренасочува летовите како и да предизвика доцнење на голем дел од нив, што пак предизвика револт и нетрпение кај патниците кои или доцнеа со тргнувањето, или пак оние кои требаше да слетаат, беа пренасочувани на другите аеродроми од регионот.
Според синоптичарите за утре повторно е најавена густа магла што пак дополнително ќе ја влоши состојбата со видливоста.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.