Владата утре излегува со ново име за директорската позиција во Агенцијата за национална безбедност (АНБ). Актуелниот Виктор Димовски се повлекува поради неговиот избор за амбасадор во Франција, иако сè уште назначувањето не е минато на Собрание.
А, надзорната собраниска комисија не успеа да го заврши сослушувањето на Димовски поради протекувањето на седницата која беше затворена за јавност кога се разгледуваше скандалот со Онишченко. Смената во тајната служба се случува, откако беше откриен скандалот со давањето спортско државјанство на контроверзниот украински државјанин Олесандар Онишченко.