Нов в.д. претседател на Академијата за судии и јавни обвинители е Бесир Алиу, член на Управниот одбор на Академијата и јавен обвинител на Основното јавно обвинителство Тетово. Тој доаѓа на местото на судијата Зоран Герасимовски, кој поднесе неотповиклива оставка од лични причини.
Алиу ќе остане на функцијата до утре, за кога во 15 часот е закажана седница за избор на нов претседател на Академијата, доколку изборот не пропадне.
Зоран Герасимовски седна во фотелјата на Наташа Габер, чиј мандат истече на 30-ти ноември, и таму требаше да остане до избор на нов директор. Но, стручната јавност реагираше најмногу поради тоа што имаше три функции, член на Судски совет, апелационен судија и в.д. претседател на Академијата за судии. По реакциите, Герасимовски самиот си поднесе оставка.